Sous/Orijin/Kontribisyon : BpB 9

1. Kontinwite Leta chita sitou sou fonksyonman regilye enstitisyon li yo ak renouvèlman peryodik otorite eli yo.

2. Konsèy elektoral ki gen konpetans lan, nan respè endepandans konstitisyonèl li ak lalwa, asire san rete planifikasyon, preparasyon ak òganizasyon eleksyon yo.

3. Nan peryòd tranzisyon, otorite k ap egzèse pouvwa egzekitif la pou yon ti tan garanti an premye kontinwite Leta, sekirite, fonksyonman sèvis esansyèl yo, ansanm ak endepandans, pwoteksyon ak mwayen lalwa egzije pou Konsèy elektoral la.

4. Òganize eleksyon se pa yon misyon espesyal tranzisyon an ; se yon fonksyon demokratik pèmanan Konsèy elektoral ki gen konpetans lan egzèse. Okenn otorite egzekitif pa ka pran plas Konsèy elektoral la nan administrasyon pwosesis elektoral la.