Sous/Orijin/Kontribisyon : BpB 36-6

1. Lalwa ka prevwa ke yon atak ame oswa yon menas grav ki prèt pou rive kont moun, rezidans oswa kòtèj yon chèf enstitisyon se yon sitiyasyon ijans ki jistifye pou mete mwayen FAdH an alèt epi fè yo deplase, sou demann Direktè jeneral PNH, chèf dispozitif pwoteksyon an oswa nenpòt lòt responsab lalwa deziyen.

2. Alèt la vle di mete an alèt epi deplase mwayen yo ; li pa vle di angaje yo. Angajman an toujou depann de demann Egzekitif la Konstitisyon an prevwa. Lè otorite k ap egzèse pouvwa egzekitif la li menm vize oswa li anpeche, se otorite lalwa deziyen pou ranplase l ki konfime demann lan.

3. Chèf enstitisyon yo se otorite lalwa deziyen, sitou Chèf Egzekitif la, Premye minis la, prezidan de chanm Palman yo ak prezidan Lakou Kasasyon an.

4. Okenn dispozisyon nan atik sa a pa vo deklarasyon eta desyèj, ki toujou anba règ Konstitisyon an.