Sous/Orijin/Kontribisyon : NKS 2005 · revize apre odit 2026

1. Leta ap òganize, pa etap, yon lekòl ki bay tout timoun, kèlkeswa kote yo rete, orijin yo, sèks yo oswa relijyon yo, menm chans ak menm referans.

2. Kontni ak metòd lekòl la renouvle, sitou nan syans ak teknoloji. Li valorize kreyòl la, li asire elèv yo metrize franse, epi li louvri pòt pou lòt lang.

3. Yo bay yon atansyon espesyal pou tifi yo ak timoun andeyò yo ale lekòl.

4. Pou lekòl la ka fonksyone san rete, chak pwofesè lekòl piblik dwe gen yon zak administratif kòmsadwa, yon pòs bidjetè ki klè ak yon salè yo peye l regilyèman dapre règ fonksyon piblik la. Tout konpleman pèmanan sou salè pwofesè yo dwe parèt nan pewòl ofisyèl la epi yo dwe konte l dapre lejislasyon sosyal ki aplikab la.