Sous/Orijin/Kontribisyon : Konsiltasyon 2026 · Pàn 88 · Pwopozisyon P11

1. Chak Ayisyèn ak chak Ayisyen gen dwa sikile lib sou tout teritwa nasyonal la, pa tè, pa lanmè oswa pa lè, tabli rezidans li kote l vle, kite peyi a epi tounen, epi transpòte ak vann byen l.

2. Se sèlman lalwa ki ka limite dwa sa a, pou rezon lòd piblik, sante piblik oswa sekirite moun, pa yon desizyon ki gen rezon, ki pibliye, ki pwopòsyonèl, ki limite nan tan epi moun ka konteste.

3. Leta gen obligasyon pou l garanti dwa sa a sou gwo wout, wout lanmè ak ayewopò esansyèl yo epi pou l louvri sa ki bloke yo, dapre plan atik 124-1 prevwa a.

4. Pèsonn pa ka oblije peye, negosye oswa jistifye deplasman l devan yon moun ki pa gen kalite legal pou kontwole l.